 |
| File Image |
எஸ்.எம்.எம்.முர்ஷித்
புதிய அரசியலமைப்பு தொடர்பில் அகில இலங்கை மக்கள் காங்கிரஸும் உள்ளூராட்சி எல்லை மீள் நிர்ணயம் தொடர்பில் முஸ்லிம்காங்கிரஸும் மக்கள் விடுதலை முன்னணி(ஜே.வி.பி.)யை சந்தித்துள்ளன.
எல்லை மீள்நிர்ணயம் தொடர்பில் எழுந்துள்ள பிரச்சினை காரணமாக உள்ளூராட்சித் தேர்தல் தாமதமாகுமானால், அந்தத் தேர்தலை நடைமுறையிலுள்ளவாறு அவசரமாக நடாத்துவதற்கு உரிய நடவடிக்கைகளை மேற்கொள்வதற்கு பணிக்குமாறு ஜனாதிபதியையும்,பிரதமரையும் சந்தித்து சிறுபான்மைக் கட்சிகளும், சிறிய கட்சிகளும் வேண்டுகோள் விடுப்பது சிறந்ததென்று ஸ்ரீலங்கா முஸ்லிம் காங்கிரஸ் மற்றும் மக்கள் விடுதலை முன்னணி என்பன ஆலோசனை நடாத்தியுள்ளன.
மக்கள் விடுதலை முன்னணியின் தலைவர் பாராளுமன்ற உறுப்பினர் அனுர குமார திஸாநாயக்க, அக்கட்சியின் செயலாளர் ரில்வின் சில்வா ஆகியோருக்கும் ஸ்ரீலங்கா முஸ்லிம் காங்கிரஸ் தலைவர் அமைச்சர் ரவூப் ஹக்கீம் மற்றும் அக்கட்சியின் பிரதிச் செயலாளர் நாயகம் சட்டத்தரணி நிசாம் காரியப்பர் ஆகியோருக்கும் இடையில் நேற்றுமுன்தினம் புதன்கிழமை மாலை நடைபெற்ற சிநேகபூர்வமான கலந்துரையாடலின் போதே இதுபற்றி கவனம் செலுத்தப்பட்டுள்ளது. இச்சந்திப்பு அமைச்சர் ஹக்கீமின் இல்லத்தில் இடம்பெற்றுள்ளது.
இதன்போது உத்தேச அரசியலமைப்பு, உள்ளூராட்சித் தேர்தல் என்பன போன்ற விடயங்கள் பற்றி கருத்துப்பரிமாற்றங்கள் நடந்துள்ளன. இவைபற்றி பொதுமக்கள் மத்தியில் தெளிவற்ற தன்மையும்,குழப்பமான நிலையும் காணப்படுவதால் போதிய விளக்கமளிக்கப்பட வேண்டியதன் அவசியமும் வலியுறுத்தப்பட்டது.
இதேவேளை, அரசியல் யாப்பு மறுசீரமைப்பு தொடர்பாக மக்கள் விடுதலை முன்னணிக் கட்சிக்கும் அகில இலங்கை மக்கள் காங்கிரஸ் கட்சிக்கும் இடையிலான கலந்துரையாடல் கடந்த திங்கட்கிழமை மக்கள் விடுதலை முன்னணி கட்சியின் காரியாலயத்தில் இடம்பெற்றது.
மக்கள் விடுதலை முன்னணியின் தலைவர் அநுரகுமார திஸாநாயக்க, அகில இலங்கை மக்கள் காங்கிரஸ் கட்சியின் தேசிய தலைவரும் அமைச்சருமான றிஷாட் பதியுத்தீன், தவிசாளரும் பிரதி அமைச்சருமான எம்.எஸ்.எஸ்.அமீர் அலி, பாராளுமன்ற உறுப்பினர் நவவி, செயலாளர் நாயகம் சுபைர் தீன், சட்டத்தரணி என்.எம். சஹீட், முன்னாள் பிரதி அமைச்சர் ஹுஸைன் பைலா, மேல் மாகாண சபை உறுப்பினர் பாயிஸ், மரைக்கார் ஆகியோர் கலந்து கொண்டனர்.
இதன்போது அரசியல் யாப்பு மறுசீரமைப்பினால் சிறுபான்மை மக்களுக்கு ஏற்படும் சாதகம் மற்றும் பாதகங்கள் பற்றி ஆராயப்பட்டதாக பிரதி அமைச்சர் எம்.எஸ்.எஸ்.அமீர் அலி தெரிவித்தார்.
மக்கள் விடுதலை முன்னணியின் தலைவர் பாராளுமன்ற உறுப்பினர் அனுர குமார திஸாநாயக்க, அக்கட்சியின் செயலாளர் ரில்வின் சில்வா ஆகியோருக்கும் ஸ்ரீலங்கா முஸ்லிம் காங்கிரஸ் தலைவர் அமைச்சர் ரவூப் ஹக்கீம் மற்றும் அக்கட்சியின் பிரதிச் செயலாளர் நாயகம் சட்டத்தரணி நிசாம் காரியப்பர் ஆகியோருக்கும் இடையில் நேற்றுமுன்தினம் புதன்கிழமை மாலை நடைபெற்ற சிநேகபூர்வமான கலந்துரையாடலின் போதே இதுபற்றி கவனம் செலுத்தப்பட்டுள்ளது. இச்சந்திப்பு அமைச்சர் ஹக்கீமின் இல்லத்தில் இடம்பெற்றுள்ளது.
இதன்போது உத்தேச அரசியலமைப்பு, உள்ளூராட்சித் தேர்தல் என்பன போன்ற விடயங்கள் பற்றி கருத்துப்பரிமாற்றங்கள் நடந்துள்ளன. இவைபற்றி பொதுமக்கள் மத்தியில் தெளிவற்ற தன்மையும்,குழப்பமான நிலையும் காணப்படுவதால் போதிய விளக்கமளிக்கப்பட வேண்டியதன் அவசியமும் வலியுறுத்தப்பட்டது.
இதேவேளை, அரசியல் யாப்பு மறுசீரமைப்பு தொடர்பாக மக்கள் விடுதலை முன்னணிக் கட்சிக்கும் அகில இலங்கை மக்கள் காங்கிரஸ் கட்சிக்கும் இடையிலான கலந்துரையாடல் கடந்த திங்கட்கிழமை மக்கள் விடுதலை முன்னணி கட்சியின் காரியாலயத்தில் இடம்பெற்றது.
மக்கள் விடுதலை முன்னணியின் தலைவர் அநுரகுமார திஸாநாயக்க, அகில இலங்கை மக்கள் காங்கிரஸ் கட்சியின் தேசிய தலைவரும் அமைச்சருமான றிஷாட் பதியுத்தீன், தவிசாளரும் பிரதி அமைச்சருமான எம்.எஸ்.எஸ்.அமீர் அலி, பாராளுமன்ற உறுப்பினர் நவவி, செயலாளர் நாயகம் சுபைர் தீன், சட்டத்தரணி என்.எம். சஹீட், முன்னாள் பிரதி அமைச்சர் ஹுஸைன் பைலா, மேல் மாகாண சபை உறுப்பினர் பாயிஸ், மரைக்கார் ஆகியோர் கலந்து கொண்டனர்.
இதன்போது அரசியல் யாப்பு மறுசீரமைப்பினால் சிறுபான்மை மக்களுக்கு ஏற்படும் சாதகம் மற்றும் பாதகங்கள் பற்றி ஆராயப்பட்டதாக பிரதி அமைச்சர் எம்.எஸ்.எஸ்.அமீர் அலி தெரிவித்தார்.