பாடசாலை அதிபர் ஒருவர் மாணவிகள் பலரை பாலியல் துஷ்பிரயோகத்திற்கு உள்ளாக்கிய சம்பவம் ஒன்று வவுனியாவில் இடம்பறெ்றுள்ளது.
வவுனியா வடக்கு கல்வி வலயத்திற்கு உட்பட்ட பாடசாலையில் அதிபராக கடமையாற்றி வரும் இளம் அதிபர் ஒருவரே இவ்வாறு மாணவிகளை துஷ்பிரயோகம் செய்து வந்துள்ளதாக தெரியவருகின்றது.
மேலும் குறித்த நபர் திருமணமானவர் என்பதுடன் திருமணமாகி சிறிது காலத்திலேயே பாடசாலை மாணவி ஒருவருடன் வீட்டில் வைத்து தகாத முறையில் நடந்ததை நேரில் கண்ட அவரது மனைவி அன்றுடன் அவரை விட்டு பிரிந்து வாழ்ந்து வருகின்ற நிலைமையில் மேலும் பல மாணவிகளை இவர் தன் காமயிச்சைக்குள்ளாக்கியுள்ளதாகவும் அயலவர்கள் தெரிவித்துள்ளனர்.
நேற்றைய தினம் தரம் 10 இல் கல்விபயிலும் மாணவி ஒருவரை வவுனியா நகரிற்கு அண்மையில் உள்ள தனது வீட்டிற்கு அழைத்து வந்து துஷ்பிரயோகத்தில் ஈடுபடுத்திய வேளையில் மாணவியின் பெற்றோரினால் கையும் களவுமாக பிடிக்கப்பட்டு நையப்புடைக்கப்பட்டுள்ளார். இந்நிலையில் அவர் பல மாணவிகளுடன் தொடர்பு வைத்திருந்தமை அம்பலமாகியுள்ளது.
இத்துடன் கடந்த சில நாட்களுக்கு முன்பு இவர் கடமையாற்றும் பாடசாலையின் ஆசிரியை ஒருவருடனும் தகாதமுறையில் நடக்க முற்பட்ட வேளை கண்டிக்கப்பட்டிருந்ததாகவும் , இவர் தான் மட்டுமில்லாது வவுனியாவில் பிரபல வர்த்தகர்களுக்கும் மற்றும் நண்பர்களுக்கும் மாணவிகளை துஷ்பிரயோகத்திற்குள்ளாக்க வழங்கி வந்துள்ளார்.
குறித்த நபர் தனது முறைகேடான நடவடிக்கைகளுக்கு பிரபல வர்த்தகரின் சொகுசு வாகனமொன்றையும் பயன்படுத்தியதாக நேரில் பார்த்த சிலர் குறிப்பிட்டுள்ள நிலையில் தலைமறைவாகியுள்ள குறித்த ஆசிரியரை பொலிஸார் தேடி வலைவீசியுள்ளனர்.