பீஸ் தொலைக்காட்சியில் சொற்பொழிவாற்றும் சாக்கீர் நாயக்கர் தற்கொலை குண்டுத் தாக்குதலை அனுமதிப்பவர், அவருடன் எமது நாட்டின் பல முஸ்லிம் அரசியல்வாதிகளுக்கு தொடர்பு உண்டு. அவை தொடர்பான ஆதாரங்கள் என்னிடம் உள்ளன என பொது பல சேனா அமைப்பின் பொதுச் செயலாளர் கலகொட அத்தே ஞானசார தேரர் தெரிவித்துள்ளார்.
தனியார் ஊடகம் ஒன்றுக்கு அவர் வழங்கிய பிரத்தியேக செவ்வியில் இதனைத் தெரிவித்துள்ளார்.
இங்கு அவர் தொடர்ந்தும் குறிப்பிடுகையில்,
சாக்கீர் நாயக்கருக்கு லண்டனுக்குச் செல்ல முடியாது. ஏனென்றால் அவர் தீவிரவாத செயற்பாடுகளில் ஈடுபடுகின்றார் என்று. ஆனால் இலங்கைக்கு வருவதற்கு அவருக்குத் தடையில்லை. ஏனென்றால் சாக்கீர் நாயக்கர் கறுப்புப் பணத்தை மாற்றுபவர்.
எனவேதான் எமது நாட்டில் கறுப்புப் பணத்தை வெள்ளைப் பணமாக்குபவர்கள் அவரை நாட்டுக்குள் அனுமதிக்கின்றனர்.இந்த நாட்டில் பல்வேறு தரப்பிலான முஸ்லிம்கள் வகாப் வாதிகளுடன் தொடர்பு வைத்திருக்கின்றனர்.
இது தொடர்பாக நான் பல்வேறு சந்தர்ப்பங்களில் கூறியுள்ளேன். இந்த நாட்டில் அப்பாவி முஸ்லிம் பிள்ளைகளை மத்ரஸா என்ற பெயரில் அவர்களது மனங்களில் மதவாதத்தை திணிக்கின்றார்கள்.
அரபு நாடுகளிடம் இருந்து கிடைக்கும் பணத்தைக்கொண்டு பல்வேறு மத்ரஸாக்களை உருவாக்குகின்றார்கள்.முன்பு பள்ளிவாசல்களில் மாத்திரம்தான் மத்ரஸாக்கள் இருந்தன. ஆனால் இன்று பட்டிதொட்டியெல்லாம் மத்ரஸாக்கள் முளைத்துள்ளன.
முஸ்லிம் தாய்மார்கள் தமது பிள்ளைகள் தொடர்பாக கவனம் செலுத்த வேண்டும். வகாப் வாதம் எமது நாட்டில் சகல கலாச்சாரங்களையும் அழிக்க முனைகின்றது என குறிப்பிட்டுள்ளார்.