தென்கொரியாவில் இருந்து இலஙகை வந்த சிலர் மட்டக்களப்பு தனியார் பல்கலைக்கழகத்திற்கு முதற்கட்டமாக அனுப்பி வைக்கப்பட்டுள்ளனர்.
இன்று அதிகாலை தென்கொரியாவில் இருந்து கட்டுநாயக்க பண்டாரநாயக்க சர்வதேச விமான நிலையத்திற்கு வருகை தந்த 166 பேரே இவ்வாறு மட்டக்களப்பு தனியார் பல்கலைக்கழகத்திற்கு அனுப்பிவைக்கப்பட்டுள்ளனர்.
இவ்வாறு இலங்கைக்கு வந்த 166 பேரில் 164 பேர் இலங்கையர்கள் எனவும் 2 பேர் கொரியர்கள் என்பதும் குறிப்பிடத்தக்கது.
இந்நிலையில், இத்தாலி, தென்கொரியா மற்றும் ஈரானில் இருந்து வரும் பயணிகளை மட்டக்களப்பிலுள்ள ஹிஸ்புல்லாஹ் பல்கலைக்கழகத்திலும் மட்டக்களப்பு அரச வைத்தியசாலையிலும் தனிமைப்படுத்தி வைப்பதற்கான ஏற்பாடுகள் நேற்றுமுன்தினம் 8 ஆம் திகதி முதல் அமுலுக்கு வந்துள்ளதாக சுகாதார சேவைகள் பணிப்பாளர் நாயகம் அனில் ஜாசிங்க தெரிவித்துள்ளமை குறிப்பிடத்தக்கது.
Post a Comment